Grein 1 Gildissvið laganna

1.1 Sérsambönd ÍSÍ.

1.1.1 Sérsambönd ÍSI skulu taka upp Lög ÍSÍ um lyfjamál og fella þau beint eða með tilvísun inn í lög sín, stofnskrá og/eða reglur og verði þau þannig hluti af íþróttareglum, réttindum og skyldum sem sambandsaðilar og íþróttamenn lúta.

 1.1.2 Beiting laganna við íþróttamenn byggist á aðildarskuldbindingum sem eru í gildi milli sérsambanda og félagsmanna þeirra eða íþróttamanna sem samþykkja með þátttöku sinni í íþróttum að hún sé samkvæmt lögum þessum.

 1.1.3 Það er skilyrði fyrir fjárstyrk og/eða annarri aðstoð frá ÍSÍ að sérsambönd fari eftir lögum þessum þar á meðal beitingu þeirra gagnvart einstaklingum. Þá skulu sérsambönd virða vald ÍSÍ og vinna með ÍSÍ og rannsóknaraðilum í öllum lyfjamálum sem lúta ekki reglum viðkomandi alþjóðasérsambands samkvæmt Alþjóðalyfjareglunum.

1.1.4 Samþykkt þessara laga felur í sér viðurkenningu sérsambanda ÍSÍ á valdi og ábyrgð lyfjaeftirlits ÍSÍ samkvæmt lögunum. Alþjóðasérsambönd og lyfjaeftirlit ÍSÍ virða vald hvors annars og ábyrgð eins og lýst er í Alþjóðalyfjareglunum.

 1.1.5 Með samþykkt þessara laga og upptöku þeirra samþykkja sérsambönd ÍSÍ einnig að sérsambandið og allir íþróttamenn þess sem lúta þeirra lögsögu eða eftirliti eða lúti lögum eða reglum íþróttarinnar, falli undir þessi lög. Þau samþykkja að hlýða ákvörðunum sem teknar eru samkvæmt þessum lögum, einkum ákvörðunum dómstóls ÍSÍ og áfrýjunardómstóls ÍSÍ. Alþjóðasérsambönd þeirra, meðlimir og þátttakendur viðurkenna og samþykkja að lúta þessu með fyrirvara um áfrýjunarréttindi í lögunum.

1.2 Einstaklingar.

1.2.1 Lög þessi gilda um:

1.2.1.1 Alla skráða félagsmenn í félögum sambandsaðila ÍSÍ.

1.2.1.2 Alla íþróttamenn sem eru valdir til þátttöku í íþróttakeppni fyrir hönd ÍSÍ eða einhvers sambandsaðila ÍSÍ.

1.2.1.3 Alla íþróttamenn sem ekki eru skráðir félagsmenn í félagi innan sambandsaðila ÍSÍ en taka þátt í æfingu eða keppni sem fram fer á vegum ÍSÍ, sambandsaðila ÍSÍ eða félaga eða deilda innan þeirra.

1.2.1.4 Alla aðstoðarmenn ofangreindra íþróttamanna, s.s. þjálfara, liðsstjóra og lækna. Ef slíkur aðstoðarmaður er ekki skráður félagsmaður í félagi innan sambandsaðila ÍSÍ, ber þeim sambandsaðila ÍSÍ, félagi eða deild sem viðkomandi starfar fyrir að gera við hann samkomulag sem tryggir að hann viðurkenni og gangist undir lagaákvæði ÍSÍ um lyfjamál. 

1.2.1.5 Dýr sem ofangreindir íþróttamenn nota í keppni.

1.2.2 Íþróttamenn, þar á meðal ólögráða unglingar, undirgangast lög þessi með þátttöku sinni í íþróttum.

1.2.3 Hlutverk og ábyrgð íþróttamanna:

1.2.3.1 Að þekkja og fylgja öllum gildandi stefnum og reglum í lyfjamálum samkvæmt Alþjóðalyfjareglunum. 

1.2.3.2 Að vera til taks fyrir sýnatöku;

1.2.3.3 Að bera ábyrgð á, hvað lyfjamisnotkun varðar, því sem þeir neyta og nota; og

1.2.3.4 Að upplýsa heilbrigðisstarfsmenn um skyldu þeirra að nota ekki bönnuð efni og aðferðir og að ábyrgjast að sérhver læknismeðferð sem þeir fá sé ekki í trássi við stefnur og reglur í lyfjamálum samkvæmt Alþjóðalyfjareglunum. 

1.2.4 Hlutverk og ábyrgð aðstoðarfólks íþróttamanna: 

1.2.4.1 Að þekkja og fylgja öllum gildandi stefnum og reglum í lyfjamálum samkvæmt Alþjóðalyfjareglunum og sem gilda um það eða íþróttamennina sem það aðstoðar; 

1.2.4.2 Að vinna með lyfjaprófunaráætlun íþróttamanna; og 

1.2.4.3 Að beita áhrifum sínum á lífsgildi íþróttamanna og atferli til að ala á andstöðu við lyfjamisnotkun. 

1.2.5 Ef einhver telst sekur um lyfjamisnotkun, gilda viðurlög laganna. Sá sem er dæmdur samkvæmt lögum þessum lýtur þeim einnig á meðan óhlutgengi stendur án tillits til stöðu viðkomandi í sérsambandi eða íþróttasambandi. Svo lengi sem hinn dæmdi hættir ekki keppni á óhlutgengistíma, skal hann áfram sæta lyfjaeftirliti.

 Lyfjamisnotkun er skilgreind sem eitt eða fleiri brot á reglum um lyfjamisnotkun eins og þær eru settar fram í greinum 2.1 til 2.8 í lögunum. Eftirfarandi telst lyfjamisnotkun:

2.1 Tilvist bannaðs efnis eða niðurbrotsefnis þess eða annarra lífvísa sem finnast í líkamssýnum.

2.1.1 Hverjum íþróttamanni er skylt að tryggja að ekkert bannað efni fari inn í líkama hans. Íþróttamenn bera ábyrgð á bönnuðu efni, niðurbrotsefni þess eða annarra lífvísa sem finnast í líkamssýnum þeirra. Samkvæmt því er ekki nauðsynlegt að sýna fram á ásetning, mistök, vanrækslu eða meðvitaða notkun íþróttamannsins til að staðfesta brot á lyfjamisnotkun samkvæmt grein 2.1.

2.1.2 Fullnægjandi sönnun um brot á reglum um lyfjamisnotkun samkvæmt grein 2.1 telst eitt af eftirfarandi. Bannað efni eða niðurbrotsefni þess eða aðrir lífvísar í A-sýni íþróttamanns þar sem íþróttamaðurinn gerir ekki kröfu um B-sýni og B-sýnið er ekki greint; eða þar sem B-sýni íþróttamanns er greint og greining B-sýnisins staðfestir bannað efni eða niðurbrotsefni þess eða annan lífvísi í A-sýni íþróttamannsins.

2.1.3 Að frátöldum þeim efnum þar sem magnmörk eru tiltekin á bannlistanum, skal greind tilvist bannaðs efnis í einhverju magni, eða niðurbrotsefni þess eða annarra lífvísa í sýni íþróttamanns teljast brot á reglum um lyfjamisnotkun.

2.1.4 Sem undanþága á almennri reglu greinar 2.1, má bannlistinn eða alþjóðlegar reglur setja fram sérstök ákvæði um mat bannaðra efna sem geta orðið til í líkamanum.

2.2 Notkun eða tilraun til notkunar á bönnuðu efni eða aðferð.

2.2.1 Hverjum íþróttamanni er skylt að tryggja að ekkert bannað efni fari inn í líkama hans. Samkvæmt því er ekki nauðsynlegt að sýna fram á ásetning, mistök, vanrækslu eða meðvitaða notkun íþróttamannsins til að staðfesta brot á reglum um notkun bannaðs efnis eða aðferðar.

2.2.2 Heppnuð eða misheppnuð notkun bannaðs efnis eða aðferðar skiptir ekki máli. Það nægir að bannaða efnið eða aðferðin var notuð eða reynt að nota hana til að brjóta reglur um lyfjamisnotkun.

2.3 Að neita eða láta hjá líða, án óyggjandi réttlætingar, að mæta til sýnistöku eftir boðun eins og heimilað er í viðeigandi reglum eða á annan hátt komast hjá að veita sýni.

2.4 Brot á gildandi kröfum hvað varðar aðgengi íþróttamanns til prófana utan keppni ná einnig til vanrækslu á því að veita tilskildar upplýsingar um dvalarstað samkvæmt grein 11.3 í Alþjóðlegu reglunum um lyfjapróf og missi af prófum sem eru tilkynnt samkvæmt grein 11.4 í sömu reglum. Missi íþróttamaður af þremur prófum og/eða tilkynnir ekki dvalarstað sinn á átján mánaða tímabili samkvæmt ákvörðun Lyfjaeftirlitsnefndar ÍSÍ, telst það brot á reglum um lyfjamisnotkun.

2.5 Fölsun eða tilraun til fölsunar við einhvern þátt lyfjaeftirlits.

2.6 Eignarhald á bönnuðum efnum og aðferðum.

2.6.1 Eignarhald íþróttamanns á keppnistíma á bannaðri aðferð eða efni, eða eignarhald íþróttamanns utan keppnistíma á bannaðri aðferð eða efni sem er bannað utan keppni, nema íþróttamaðurinn sýni fram á að eignarhaldið sé samkvæmt undanþágu um notkun til lækningar sem íþróttamanni var veitt í samræmi við grein 4.4 (Notkun til lækninga) eða gefur aðra ásættanlega skýringu.

2.6.2 Eignarhald aðstoðarfólks íþróttamanns í keppni á bannaðri aðferð eða efni eða eignarhald aðstoðarfólks íþróttamanns utan keppni á bannaðri aðferð eða efni sem er bannað utan keppni í tengslum við íþróttamann, keppni eða þjálfun nema viðkomandi aðstoðarfólk staðfesti að eignarhaldið sé samkvæmt undanþágu veittri íþróttamanni í samræmi við grein 4.4 (Notkun til lækninga) eða veitir aðra ásættanlega skýringu.

2.7 Viðskipti eða tilraun til viðskipta með bannað efni eða aðferð.

2.8 Gjöf eða tilraun til að gefa íþróttamanni í keppni bannað efni eða beita bannaðri aðferð, eða gjöf eða tilraun til að gefa íþróttamanni utan keppni bannað efni eða aðferð sem er bönnuð utan keppni, eða aðstoð, hvatning, hjálp, stuðningur, yfirhylming eða annars konar samsekt sem felur í sér brot á reglum um lyfjamisnotkun eða tilraun til lyfjamisnotkunar.

3.1 Sönnunarbyrði og viðmið.

Við meðferð mála er Lyfjaráð ÍSÍ höfðar fyrir Dómstóli ÍSÍ vegna brota á lögum þessum ber ráðinu að færa sönnur á að um brot hafi verið að ræða og skulu sönnunarkröfur vera strangari en samkvæmt almennum sönnunarreglum einkamála, en þó ekki svo að allur vafi komi ákærða til góða. Ef sönnunarbyrði hvílir á ákærða samkvæmt lagaákvæðum ÍSÍ um lyfjamál gilda almennar sönnunarreglur einkamála nema í þeim tilfellum sem um getur í greinum 10.4 og 10.6 þar sem íþróttamaðurinn verður að færa frekari sönnur á mál sitt. Að öðru leyti má færa sönnur á staðreyndir mála með öllum áreiðanlegum aðferðum.

3.2 Aðferðir við staðfestingu staðreynda og ályktana.

Staðreyndir sem tengjast brotum á reglum um lyfjamisnotkun má færa sönnur á með sérhverjum áreiðanlegum hætti, þar á meðal játningu. Eftirfarandi reglur um sönnun gilda í lyfjamálum.

3.2.1 Rannsóknarstofur samþykktar af Alþjóðalyfjaeftirlitinu (WADA) skulu hafa greint sýnið og varðveitt það samkvæmt Alþjóðlegum staðli um rannsóknarstofur. Íþróttamaðurinn eða annar einstaklingur má mótmæla þessari niðurstöðu með staðfestingu á að vikið hafi verið frá Alþjóðlegum staðli um rannsóknarstofur sem gæti hafa valdið röngum niðurstöðum greiningar.

Ef íþróttamaðurinn dregur í efa niðurstöðu með því að sýna fram á að vikið hafi verið frá Alþjóðlegum staðli um rannsóknarstofur sem gæti hafa valdið röngum greiningarniðurstöðum, skal Lyfjaráð ÍSÍ sýna fram á að viðkomandi frávik hafi ekki haft áhrif á grunsamlegar niðurstöður.

3.2.2 Frávik frá Alþjóðlegum viðmiðum um lyfjapróf eða öðrum lyfjareglum, sem leiddi ekki til rangra greiningarniðurstaðna eða annarar lyfjamisnotkunar, skal ekki ógilda slíkar niðurstöður. Ef íþróttamaðurinn eða annar einstaklingur sýnir fram á að frávik frá Alþjóðlegu viðmiðunum eða öðrum lyfjareglum, sem gætu með réttu hafa valdið röngum greiningarniðurstöðum eða að önnur lyfjamisnotkun hafi átt sér stað, þá ber Lyfjaráði ÍSÍ að sýna fram á að viðkomandi frávik hafi ekki haft áhrif á niðurstöðurnar eða þá staðreynd að brot á reglum um lyfjamisnotkun hafi átt sér stað.

3.2.3 Staðreyndir tilgreindar í niðurstöðu dómstóls eða þar til bærrar aganefndar sem ekki verður áfrýjað telst óhrekjanleg sönnun gegn íþróttamanni eða öðrum einstaklingi nema íþróttamaðurinn eða annar einstaklingur sýni fram á að úrskurðurinn brjóti gegn meginreglum um eðlilegt réttarfar.

3.2.4 Neiti íþróttamaður eða annar einstaklingur að gefa skýrslu eða mæta fyrir Dómstól ÍSÍ þrátt fyrir að hafa verið boðaður með hæfilegum fyrirvara getur það leitt til þess að hann telst hafa brotið gegn lögum þessum.

4.1 Upptaka bannlistans.

4.1.1 Þessi lög eru í samræmi við bannlistann sem er gefinn út og endurskoðaður af Alþjóðalyfjaeftirlitinu eins og nánar er kveðið á um í grein 4.1 í Alþjóðalyfjareglunum. Lyfjaráð ÍSÍ birtir sérsamböndum ÍSÍ gildandi bannlista og sérsamböndunum ber að sjá til þess að gildandi bannlisti sé aðgengilegur félagsmönnum sínum og sambandsaðilum.

4.2 Bönnuð efni og aðferðir samkvæmt bannlista.

4.2.1 Bönnuð efni og aðferðir.

Ef annað er ekki tekið fram í bannlistanum og/eða breytingu á honum, skal bannlistinn með áorðnum breytingum taka gildi samkvæmt þessum lögum þremur mánuðum eftir birtingu hans af hálfu Alþjóðalyfjaeftirlitsins án frekari aðgerða af hálfu Lyfjaráðs ÍSÍ. Eins og lýst er í grein 4.2 í Alþjóðalyfjareglunum er alþjóðasérsamböndum heimilt, að fengnum meðmælum lyfjanefnda sinna, að krefjast þess að Alþjóðalyfjaeftirlitið láti bannlistann gilda fyrir þeirra íþrótt. Alþjóðasérsambönd mega líka, að fengnum tilmælum lyfjanefnda sinna, óska þess að Alþjóðalyfjaeftirlitið setji önnur efni eða aðferðir, sem hægt væri að misnota í viðkomandi íþrótt, í eftirlitsáætlunina sem lýst er í grein 4.5 í Alþjóðalyfjareglunum. Eins og kveðið er á um í Alþjóðalyfjareglunum, tekur Alþjóðalyfjaeftirlitið endanlega ákvörðun um beiðnir alþjóðasérsambanda.

4.2.2 Sérstaklega tilgreind efni.

Vegna beitingu greinar 10 (Viðurlög) skulu öll bönnuð efni teljast sérstaklega tilgreind efni, nema: (a) efni sem flokkast undir vefaukandi efni (S1) og hormón og skyld efni (S2); og (b) örvandi efni (S6.a) og hormóna hvatar og stilliefni (S4.4) eins og þau eru tilgreind á bannlistanum. Bannaðar aðferðir skulu ekki vera sérstaklega tilgreind efni.

4.2.3 Nýir flokkar bannaðra efna.

Ef Alþjóðalyfjaeftirlitið gerir breytingar á bannlistanum með því að bæta við nýjum flokki bannaðra efna í samræmi við grein 4.1 í Alþjóðalyfjareglunum, skal framkvæmdaráð Alþjóðalyfjaeftirlitsins ákveða hvort eitthvað eða öll efnin í nýjum flokki bannaðra efna skuli teljast sérstaklega tilgreind efni samkvæmt grein 4.2.2.

4.3 Skilyrði fyrir skráningu efna og aðferða á bannlistann.

Samkvæmt reglu 4.3.3 í Alþjóðalyfjareglunum skal úrskurður Alþjóðalyfjaeftirlitsins um bönnuð efni og aðferðir sem verða skráð á bannlistann og flokkun efna á bannlista, vera endanlegur og verður ekki véfengdur af hálfu íþróttamanns eða einstaklings með þeim rökum að efnið eða aðferðin var ekki feluefni eða hafði burði til að bæta árangur, stofnaði heilsu í hættu eða stríddi gegn íþróttaandanum.

4.4 Notkun til lækninga.

4.4.1 Íþróttamenn með læknisfræðilega staðfesta sjúkdóma sem krefjast notkunar á bönnuðu efni eða aðferð geta farið fram á undanþágu vegna notkunarinnar. Tilvist bannaðs efnis eða niðurbrotsefna þess eða annarra lífvísa (grein 2.1), Notkun eða tilraun til notkunar á bönnuðu efni eða aðferð (grein 2.2), Eignarhald á bönnuðum efnum og aðferðum (grein 2.6) eða gjöf eða tilraun til gjafar á bönnuðu efni eða aðferð (grein 2.8) í samræmi við ákvæði um gildandi undanþágu um notkun í lækningaskyni sem er veitt samkvæmt Alþjóðareglum um notkun í lækningaskyni telst ekki brot á reglum um lyfjamisnotkun.

4.4.2 Íþróttamenn í skráðum lyfjaprófunarhópi ÍSÍ auk annarra íþróttamanna sem taka þátt í íþróttamótum á landsstigi verða að hafa gilda undanþágu sem Lyfjaráð ÍSÍ gefur út eða samþykkir. Sækja ber um undanþágu eins fljótt og auðið er, í síðasta lagi 21 degi fyrir þátttöku íþróttamannsins á móti.

4.4.3 Undanþágur vegna lækninga sem Undanþágunefnd Lyfjaráðs ÍSÍ veitir, skulu tilkynntar sérsambandi íþróttamannsins og Alþjóðalyfjaeftirlitinu. Aðrir íþróttamenn sem verða prófaðir og þurfa að nota bannað efni eða bannaða aðferð í lækningaskyni, verða að fá undanþágu frá Undanþágunefnd Lyfjaráðs ÍSÍ eða öðrum aðila sem sérsamband þeirra tilgreinir, eins og krafist er samkvæmt reglum Lyfjaráðs ÍSÍ/annars aðila. Sérsambönd skulu tafarlaust tilkynna slíkar undanþágur til Lyfjaráðs ÍSÍ og Alþjóðalyfjaeftirlitsins.

4.4.4 Lyfjaráð ÍSÍ skal tilnefna nefnd sérfræðinga til að fara yfir umsóknir um undanþágur (Undanþágunefnd). Við móttöku Lyfjaráðs ÍSÍ á umsóknum um undanþágur ber formanni Undanþágunefndar að tilnefna einn eða fleiri aðila úr nefndinni til að fara yfir umsóknina. Þessum nefndarmönnum ber að yfirfara umsóknina tafarlaust í samræmi við Alþjóðlegar reglur fyrir veitingu undanþágna og úrskurða um undanþágubeiðnina, sem verður endanleg niðurstaða Lyfjaráðs ÍSÍ.

4.4.5 Alþjóðalyfjaeftirlitið getur samkvæmt beiðni íþróttamanns eða að eigin frumkvæði, yfirfarið alla úrskurði um samþykki eða höfnun undanþágubeiðna á vegum Undanþágunefndar ÍSÍ.

Úrskurði Alþjóðalyfjaeftirlitið að samþykki eða höfnun undanþágubeiðni samrýmist ekki þeim alþjóðlegum reglum um veitingu undanþágna sem í gildi eru getur Alþjóðalyfjaeftirlitið hnekkt viðkomandi úrskurði. Ákvörðunum um undanþágur er hægt að áfrýja samkvæmt grein 13.

5.1 Heimild til prófunar.

Allir íþróttamenn undir lögsögu sérsambands skulu sæta lyfjaeftirliti í keppni á vegum sérsambands viðkomandi íþróttamanna, alþjóðasérsambands íþróttamannsins, Lyfjaeftirlitsnefndar ÍSÍ og þess lyfjaeftirlits sem ber ábyrgð á eftirliti í keppni eða á móti sem þeir taka þátt í. Allir íþróttamenn undir lögsögu sérsambands, einnig þeir sem taka út óhlutgengi eða bráðabirgðabann, skulu einnig sæta lyfjaeftirliti utan keppni hvenær og hvar sem er, með eða án fyrirvara, af hálfu Alþjóðalyfjaeftirlitsins, sérsambandi þeirra, Lyfjaeftirlitsnefndar ÍSÍ, lyfjaeftirliti þess lands þar sem íþróttamaðurinn hefur ríkisfang, búsetu, er leyfishafi eða meðlimur íþróttafélaga, Alþjóðaólympíunefndarinnar á ÓL, og Alþjóða Ólympíuhreyfingu fatlaðra á Ólympíumóti fatlaðra. Afmörkuð prófun hefur forgang.

5.2 Ábyrgð á prófum Lyfjaeftirlitsnefndar ÍSÍ.

Lyfjaeftirlitsnefnd ÍSÍ ber ábyrgð á að útbúa prófadreifingaáætlun samkvæmt grein 4 í Alþjóðareglum um lyfjapróf, og á framkvæmd hennar, umsjón allra prófa lyfjaeftirlits ÍSÍ eða á vegum þess. Meðlimir Lyfjaeftirlitsnefndar ÍSÍ mega framkvæma prófin eða aðrir hæfir einstaklingar sem nefndin samþykkir.

5.3 Reglur um lyfjapróf.

Lyfjapróf á vegum Lyfjaeftirlitsnefndar ÍSÍ og sérsambanda ÍSÍ skulu í aðalatriðum vera í samræmi við gildandi Alþjóðlegar reglur um lyfjapróf.

5.3.1 Blóðsýni (eða annar vökvi en þvag) má nota til að greina bönnuð efni eða aðferðir, við skimun, eða fyrir langsniðsblóðmagnsmynd („vegabréfið"). Ef sýni er tekið eingöngu til skimunar, hefur það engar afleiðingar fyrir íþróttamanninn aðrar en að auðkenna hann/hana fyrir þvagprófun samkvæmt þessum lögum. Við þessar kringumstæður getur Lyfjaeftirlitsnefnd ÍSÍ ákveðið hvaða blóðbreytur verða mældar í skimunarsýninu og hvaða breytustig verða notuð til að tilgreina að íþróttamaðurinn verði valinn fyrir þvagprófun. Ef sýnið er tekið eingöngu fyrir langsniðsblóðmagnsmynd („vegabréfið") má nota það í lyfjamælinga skyni í samræmi við grein 2.2 í Alþjóðalyfjareglunum.

5.4 Prófun á mótum.

Á alþjóðamótum skal sýnataka vera að frumkvæði og undir stjórn lyfjaeftirlits viðkomandi alþjóðasamtaka sem ráða yfir mótinu. Ef alþjóðasamtökin ákveða að standa ekki fyrir lyfjaeftirliti á slíku móti, er Lyfjaeftirlitsnefnd ÍSÍ heimilt, í samráði við og með samþykki viðkomandi alþjóðasamtaka eða Alþjóðalyfjaeftirlitsins, að hafa frumkvæði að og stjórna slíku lyfjaeftirliti. Á mótum innanlands skal Lyfjaeftirlitsnefnd ÍSÍ hafa frumkvæði að og sjá um lyfjaeftirlit.

5.5 Upplýsingar um dvalarstað.

5.5.1 Lyfjaeftirlitsnefnd ÍSÍ skipar einstaklinga í skráðan lyfjaprófunarhóp íþróttamanna sem verða að uppfylla tilkynningakröfur Alþjóðareglna um lyfjapróf. Birta skal skilyrðin fyrir íþróttamenn í lyfjaprófunarhópnum ásamt lista yfir þá íþróttamenn sem uppfylla þessi skilyrði fyrir viðkomandi tímabil. Lyfjaeftirlitsnefnd ÍSÍ yfirfer og uppfærir skilyrðin fyrir íþróttamenn í lyfjaprófunarhópnum eftir þörfum og skal endurskoða aðild að skráðum prófunarhóp eins og við á hverju sinni í samræmi við skilyrðin. Sérhver íþróttamaður í skráðum prófunarhóp skal (a) upplýsa Lyfjaeftirlitsnefnd ÍSÍ um dvalarstað sinn á hverjum ársfjórðungi samkvæmt ákvæðum greinar 11.3 í Alþjóðareglum um lyfjapróf; (b) uppfæra þessar upplýsingar eins og þörf krefur í samræmi við grein 11.4.2 í Alþjóðareglum um lyfjapróf svo þær séu ávallt nákvæmar og ítarlegar; og (c) vera tiltækur fyrir lyfjapróf á dvalarstað sínum í samræmi við grein 11.4 í Alþjóðareglum um lyfjapróf.

5.5.2 Ef íþróttamaður upplýsir Lyfjaeftirlitsnefnd ÍSÍ ekki um dvalarstað sinn telst það brot á tilkynningaskyldu samkvæmt grein 2.4 þar sem skilyrði greinar 11.3.5 um Alþjóðareglur um lyfjapróf eru uppfylltar.

5.5.3 Ef íþróttamaður er ekki tiltækur fyrir lyfjapróf á tilkynntum dvalarstað sínum telst hann hafa misst af prófinu samkvæmt ákvæðum greinar 2.4 þar sem skilyrði greinar 11.3.4 um Alþjóðareglur um lyfjapróf eru uppfylltar.

5.5.4 Öll sérsambönd skulu aðstoða lyfjaeftirlit ÍSÍ við að koma á skráðum lyfjaprófunarhópi á landsvísu með fremstu íþróttamönnum landsins þar sem tilkynningaskylda Alþjóðlegra reglna um lyfjapróf gildir.

5.5.5 Upplýsingum um dvalarstað samkvæmt greinum 5.5.1 og 5.5.4 skal deilt með Alþjóðalyfjaeftirlitinu og öðrum lyfjaeftirlitum sem hafa lagaheimild til að prófa íþróttamann samkvæmt grein 11.7,1 (d) og 11.7.3 (d) í Alþjóðareglum um lyfjapróf, með þeim skilyrðum að upplýsingarnar verði eingöngu notaðar til lyfjaeftirlits.

5.6 Keppni hætt og snúið aftur til keppni.

5.6.1 Íþróttamaður sem Lyfjaeftirlitsnefnd ÍSÍ hefur sett í skráðan lyfjaprófunarhóp skal áfram hlíta lögunum og upplýsa um dvalarstað sinn þar til hann hefur tilkynnt Lyfjaeftirlitsnefnd ÍSÍ skriflega að hann/hún hafi hætt keppni eða uppfylli ekki lengur skilyrði fyrir skráningu í prófunarhópinn og hafi fengið upplýsingar þar að lútandi hjá Lyfjaeftirlitsnefnd ÍSÍ.

5.6.2 Íþróttamaður sem hefur tilkynnt Lyfjaeftirlitsnefnd ÍSÍ að hann sé hættur keppni má ekki snúa aftur til keppni nema hann/hún tilkynni Lyfjaeftirlitsnefnd ÍSÍ það með minnst sex mánaða fyrirvara og sé tiltækur fyrir fyrirvaralausa prófun utan keppni, og upplýsi einnig, sé þess krafist, um dvalarstað sinn á tímabilinu áður en hann/hún hefur formlega keppni á ný.

5.7 Prófun ólögráða íþróttamanna.

Samkvæmt þessum lögum má aðeins prófa ólögráða einstakling ef forráðamaður hans veitir samþykki sitt. Slíkt samþykki er skilyrði fyrir þátttöku viðkomandi ólögráða unglings í íþróttum, nema reglur viðkomandi sérsambands kveði á um annað.

5.8 Óháð eftirlit.

Sérsambönd og skipulagsnefndir móta innanlands skulu veita óháðum eftirlitsmönnum aðgang að mótunum samkvæmt fyrirmælum lyfjaeftirlits ÍSÍ.

 Lyfjaeftirlitssýni skal greina samkvæmt eftirfarandi meginreglum:

 6.1 Notkun samþykktra rannsóknarstofa.

Lyfjaeftirlitsnefnd ÍSÍ skal aðeins láta rannsaka sýni á rannsóknarstofum sem Alþjóðalyfjaeftirlitið hefur samþykkt eða starfa samkvæmt heimild Alþjóðalyfjaeftirlitsins. Val á rannsóknarstofu sem Alþjóðalyfjaeftirlitið hefur samþykkt fyrir greiningu á sýni skal ákveðið eingöngu af Lyfjaeftirlitsnefnd ÍSÍ sem ber ábyrgð á meðferð niðurstaðna.

6.2 Tilgangur með töku og greiningu sýna.

Sýni skulu rannsökuð til að greina bönnuð efni og aðferðir sem eru á bannlistanum og önnur efni eins og Alþjóðalyfjaeftirlitið mælir fyrir um samkvæmt grein 4.5 í Alþjóðalyfjareglunum, eða til að aðstoða Lyfjaeftirlitsnefnd ÍSÍ við að skrá viðkomandi breytur í þvagi íþróttamanns, blóði eða öðru lífsýni, þar á meðal DNA eða erfðamynd, til að greina brot á reglum um lyfjamisnotkun.

6.3 Rannsóknir á sýnum.

Ekkert sýni má nota í öðrum tilgangi en þeim sem lýst er í grein 6.2, án skriflegs samþykkis íþróttamannsins. Sýni sem eru notuð í öðrum tilgangi en lýst er í grein 6.2 skulu ekki vera auðkennd að neinu leyti þannig að þau megi rekja til tiltekins íþróttamanns.

6.4 Staðlar um greiningu sýna og tilkynningar.

Rannsóknarstofur skulu greina lyfjaeftirlitssýnin og tilkynna niðurstöður í samræmi við Alþjóðlegan staðal um greiningu sýna.

6.5 Endurgreining á sýnum.

Sýni má endurgreina samkvæmt grein 6.2 hvenær sem er að fyrirmælum lyfjaeftirlitsins sem tók sýnið, eða Alþjóðalyfjaeftirlitsins. Aðstæður og kringumstæður við endurgreiningu sýna skulu vera í samræmi við kröfur Alþjóða staðals fyrir rannsóknarstofur.

7.1 Niðurstöður rannsóknarstofu og skýrslur um möguleg brot á lyfjareglum.

7.1.1 Lyfjaeftirlitsnefnd ÍSÍ ber að taka á móti niðurstöðum greiningar á sýnum frá rannsóknarstofu með símbréfi, bréfleiðis eða rafrænt um upplýsingamiðstöð Alþjóðalyfjaeftirlitsins.

7.1.2 Lyfjaeftirlitsnefnd ÍSÍ ber að taka á móti skýrslum um möguleg brot á lyfjareglum frá lyfjaeftirlitsaðilum ásamt öðrum gögnum lyfjaprófsins með símbréfi, bréfleiðis eða rafrænum hætti frá upplýsingamiðstöð Alþjóðalyfjaeftirlitsins.

7.2 Neikvæðar niðurstöður.

7.2.1 Lyfjaeftirlitsnefnd ÍSÍ skal, þar sem greining sýna reyndist neikvæð, bera kennsl á viðkomandi íþróttamenn í samræmi við lyfjaeftirlitseyðublöð.

7.2.2 Lyfjaeftirlitsnefnd ÍSÍ ber að tilkynna gegnum upplýsingamiðstöð Alþjóðalyfjaeftirlitsins, viðkomandi hagsmunaaðilum um neikvæða niðurstöðu greiningar sýna.

7.2.3 Lyfjaeftirlitsnefnd ÍSÍ má tilkynna íþróttamönnum eða fulltrúum þeirra um neikvæða niðurstöðu greininga sé þess óskað. Hins vegar ber lyfjaeftirlitinu að gera fyrirvara um frekari greiningar á sýninu meðan þau eru varðveitt á öruggan hátt.

7.2.4 Öll gögn tengd lyfjaeftirlitinu ásamt tilkynningum um neikvæða niðurstöðu ber Lyfjaeftirlitsnefnd ÍSÍ að geyma í átta (8) ár að lágmarki.

7.3 Grunsamlegar niðurstöður greiningar.

7.3.1 Frumrannsókn.

7.3.1.1 Við móttöku niðurstöðu um grunsamlegt sýni skal Lyfjaeftirlitsnefnd ÍSÍ að standa fyrir rannsókn til að sannreyna hvort vikið hafi verið frá Alþjóðlegum reglum um lyfjapróf eða rannsóknarstofugreiningu sem olli óeðlilegri niðurstöðu greiningar.

7.3.1.2 Ef einhver frávik eru skal Lyfjaeftirlitsnefnd ÍSÍ úrskurða hvort þau geti dregið úr gildi grunsamlegrar niðurstöðu.

7.3.1.3 Ef frávikin eru talin draga úr gildi grunsamlegrar niðurstöðu ber lyfjaeftirliti ÍSÍ að úrskurða niðurstöðuna ógilda.

7.3.1.4 Sé lyfjapróf dæmt ógilt vegna frávika er mælt með að Lyfjaeftirlitsnefnd ÍSÍ gangist fyrir öðru prófi á íþróttamanninum.

7.3.1.5 Ef lyfjaeftirlit ÍSÍ úrskurðar niðurstöðu prófunar ógilda ber tafarlaust að tilkynna íþróttamanninum, alþjóðlegu sérsambandi íþróttamannsins, sérsambandinu og Alþjóðalyfjaeftirlitinu um það.

7.3.2 Framhalds rannsóknir.

7.3.2.1 Ef sýnið leiðir í ljós bannað efni (t.d. eigin efni) þar sem frekari rannsóknir þarf til að ákvarða um lyfjamisnotkun, má Lyfjaeftirlitsnefnd ÍSÍ framkvæma rannsókn áður en tilkynning er send íþróttamanni um að lyfjamisnotkun hafi átt sér stað.

7.3.2.2 Hafi rannsóknarstofan tilkynnt um hærra hlutfall testosterons/epitestosterons en 4/1 í þvagi, er skylt að gera frekari rannsóknir til að ákvarða hvort hlutfallið sé vegna líkamlegs eða meinafræðilegs ástands. Rannsóknin skal fela í sér skoðun á fyrri prófum, síðari prófum, niðurstöðum úr innkirtlarannsóknum og/eða CIRMS-greiningum. Ef fyrri próf eru ekki tiltæk skal íþróttamaðurinn undirgangast innkirtlaskoðun eða vera prófaður fyrirvaralaust minnst mánaðarlega næstu þrjá mánuði.

7.3.2.3 Lyfjaeftirlitsnefnd ÍSÍ má fara fram á aðstoð rannsóknarstofunnar og annarra vísindamanna og/eða sérfræðinga eins og þörf krefur til að framkvæma rannsóknina, án þess að upplýsa hver íþróttamaðurinn er.

7.3.2.4 Ef Lyfjaeftirlitsnefnd ÍSÍ ákveður að prófunarferill íþróttamannsins tengist rannsókninni og nefndin hefur ekki upplýsingar um hann, verður Lyfjaeftirlitsnefnd ÍSÍ að tilkynna íþróttamanninum skriflega að leggja þurfi fram fyrri lyfjapróf hans og rökstyðja þá beiðni. Íþróttamaðurinn skal senda Lyfjaeftirlitisnefnd ÍSÍ gögn um fyrri lyfjapróf sín innan sjö daga frá móttöku tilkynningarinnar og heimila nefndinni að biðja um upplýsingar frá öðrum lyfjaeftirlitsaðilum. Lyfjaeftirlitsnefnd ÍSÍ má hafa samband við aðra lyfjaeftirlitsaðila, rannsóknarstofur eða Alþjóðalyfjaeftirlitið, til að staðfesta fyrri lyfjapróf íþróttamannsins.

7.3.2.5 Lyfjaeftirlitsnefnd ÍSÍ metur endanlega hvort framhaldsrannsóknin gefi til kynna lyfjamisnotkun. Við þetta mat skal nefndin styðjast við öll rannsóknarstofugögn og niðurstöður og umsögn læknisfræðilegs ráðgjafa eða matsnefndar. Lyfjaeftirlitsnefnd ÍSÍ má ráðgast við rannsóknarstofuna og aðra sérfræðinga um túlkun á niðurstöðum framhaldsrannsóknarinnar.

7.3.2.6. Ef Lyfjaeftirlitsnefnd ÍSÍ telur að rannsóknin gefi til kynna grunsamlega niðurstöðu vegna líkamlegs eða meinafræðilegs ástands en ekki vegna lyfjamisnotkunar, skal nefndin upplýsa íþróttamanninn um það og aðhafast ekki frekar hvað varðar hina grunsamlegu niðurstöðu.

7.3.2.7 Ef Lyfjaeftirlitsnefnd ÍSÍ ákveður að rannsóknin sýni fram á brot á lögum þessum, skal nefndin bregðast við í samræmi við ákvæði þeirra um grunsamlega niðurstöðu.

7.3.3 Undanþágur.

7.3.3.1 Ef greiningin leiðir í ljós bannað efni eða aðferð sem undanþága hefur verið veitt fyrir í samræmi við alþjóðlegar reglur, er ekki frekari aðgerða þörf.

7.3.3.2 Ef íþróttamaðurinn hefur fengið undanþágu í samræmi við Alþjóðlegar reglur um undanþágur en magn hins bannaða efnis í sýninu er ekki í samræmi við undanþáguna, skal Lyfjaeftirlitsnefnd ÍSÍ fara eftir ákvæðum laganna um grunsamlega niðurstöðu A-sýnis.

7.3.3.3 Ef íþróttamaðurinn hefur ekki fengið undanþágu í samræmi við alþjóðlegar reglur skal Lyfjaeftirlitsnefnd ÍSÍ fara eftir ákvæðum Laga ÍSÍ um lyfjamál um grunsamlegrar niðurstöðu A-sýnis.

7.3.3. Þrátt fyrir að íþróttamaðurinn hafi veitt allar aðrar læknisfræðilegar upplýsingar við lyfjaeftirlit, skal Lyfjaeftirlitsnefnd ÍSÍ fara eftir ákvæðum laganna um grunsamlegrar niðurstöðu A-sýnis.

7.3.4 Tilkynning eftir frumrannsókn.

7.3.4.1 Þegar Lyfjaeftirlitsnefnd ÍSÍ telur að grunsamleg niðurstaða greiningar sé ekki vegna fráviks sem rýrir gildi hennar og engin viðeigandi undanþága er til staðar, skal nefndin tryggja að íþróttamanninum, sérsambandinu, alþjóðasérsambandinu og Alþjóðalyfjaeftirlitinu sé tilkynnt skriflega um þessa grunsamlegu niðurstöðu greiningar.

7.3.4.2 Ef Lyfjaeftirlitsnefnd ÍSÍ ákveður að leggja ekki fram grunsamlegu niðurstöðurnar sem lyfjamisnotkun, skal tilkynna það íþróttamanninum, alþjóðasérsambandinu og Alþjóðalyfjaeftirlitinu

7.3.4.3 Ef bráðabirgðabanni á að beita í keppni (grein 7.6) eða í öðrum tilvikum þar sem tími skiptir máli, má veita íþróttamanninum og öðrum viðkomandi aðilum ofangreindar upplýsingar munnlega og fylgja þeim eftir skriflega eins fljótt og auðið er.

 7.3.5 B Greining á B-sýni.

 7.3.5.1 Ef íþróttamaðurinn og/eða Lyfjaeftirlitsnefnd ÍSÍ ákveða að láta greina B-sýnið, skal nefndin hafa samband við rannsóknarstofuna og staðfesta tíma og dagsetningu fyrir greiningu á B-sýni.

7.3.5.2 Lyfjaeftirlitsnefnd ÍSÍ skal tilkynna íþróttamanninum tímasetninguna fyrir greininguna á B-sýninu sem skal vera eigi síður en fimm virkum dögum eftir beiðni íþróttamannsins um greiningu á því.

7.3.5.3 Framlengja má greiningartíma fyrir B-sýnið með gagnkvæmu samkomulagi íþróttamannsins, Lyfjaeftirlitsnefndar ÍSÍ og rannsóknarstofunnar.

7.3.5.4 Íþróttamaðurinn eða fulltrúi hans má vera viðstaddur auðkenningu, opnun og greiningu á B-sýninu.

7.3.5.5 Þar sem hvorki íþróttamaðurinn né fulltrúi hans/hennar er viðstaddur auðkenningu, opnun og greiningu á B-sýningu, getur Lyfjaeftirlitsnefnd ÍSÍ eða rannsóknarstofan skipað óháðan aðila.

7.3.5.6 B-sýnið skal greint á sömu rannsóknarstofu en af öðrum greinanda en greindi A-sýnið.

7.3.5.7 Ef B-sýnið staðfestir ekki greininguna á A-sýninu, skal Lyfjaeftirlitsnefnd ÍSÍ tilkynna íþróttamanninum að sýnið hafi verið lýst neikvætt og ekki verði frekar aðhafst. Sjá nánar ákvæði

7.6.4, hafi bráðabirgðabanni verið beitt.

7.3.5.8 Ef B-sýnið staðfestir grunsamlegar niðurstöður A-sýnisins, skal Lyfjaeftirlitsnefnd ÍSÍ halda áfram að fylgja lögunum eftir þar að lútandi.

7.4 Önnur brot á lögum þessum.

7.4.1 Frumrannsókn.

7.4.1.1 Við móttöku á skýrslu lyfjaeftirlitsmanns og /eða annarra tengdra gagna sem sýna hugsanlega lyfjamisnotkun skal Lyfjaeftirlitsnefnd ÍSÍ athuga hvort einhver frávik séu í málsgögnunum.

7.4.1.2 Ef frávik eru í málsgögnunum skal Lyfjaeftirlitsnefnd ÍSÍ ákveða hvort frávikið geti með réttu rýrt möguleikann á að lyfjamisnotkun hafi átt sér stað.

7.4.1.3 Ef frávikin teljast með réttu draga úr möguleika á að lyfjamisnotkun hafi átt sér stað, skal Lyfjaeftirlitsnefnd ÍSÍ ekki fylgja skýrslu lyfjaeftirlitsmanns frekar eftir.

7.4.1.4 Ef Lyfjaeftirlitsnefnd ÍSÍ ákveður að fylgja ekki frekar eftir skýrslu lyfjaeftirlitsmannsins skal alþjóðasérsambandi íþróttamannsins, sérsambandi og Alþjóðalyfjaeftirlitinu tilkynnt það tafarlaust.

7.4.1.5 Íþróttamaðurinn og/eða aðstoðarfólk hans má leggja fram greinargerð í tengslum við mögulega lyfjamisnotkun. Lyfjaeftirlitsnefnd ÍSÍ skal taka þessa greinargerð til skoðunar við mat á því hvort íþróttamanni og/eða aðstoðarfólki íþróttamannsins skuli tilkynnt um mögulegt brot á lögum þessum.
 

7.4.2 Tilkynning eftir frumrannsókn.

7.4.2.1 Þegar Lyfjaeftirlitsnefnd ÍSÍ hefur staðfest að skýrsla lyfjaeftirlitsmanns og/eða önnur tengd gögn sem sýna mögulega lyfjamisnotkun innihalda engin frávik sem gætu dregið úr möguleika á lyfjamisnotkun, skal Lyfjaeftirlitsnefnd ÍSÍ tryggja að íþróttamaðurinn fái skriflega tilkynningu um meinta lyfjamisnotkun.

7.4.2.2 Ef bráðabirgðabanni á að beita í keppni (grein 7.6) eða í öðrum tilvikum þar sem tími skiptir máli, má veita íþróttamanninum og öðrum viðkomandi aðilum ofangreindar upplýsingar munnlega og fylgja þeim eftir skriflega eins fljótt og auðið er.
 

7.5 Auðkenning íþróttamanna.

7.5.1 Lyfjaeftirlitsnefnd ÍSÍ ber að tilgreina samkvæmt lyfjaeftirlitseyðublöðum og/eða öðrum tengdum gögnum þá íþróttamenn þar sem greining sýna leiddi til grunsamlegrar niðurstöðu/eða mögulega lyfjamisnotkun.

7.5.2 Halda skal nafni íþróttamanns og/eða nöfnum aðstoðarfólks íþróttamannsins leyndum meðan á málsmeðferð stendur. Aðeins íþróttamaðurinn eða sá sem gæti hafa brotið lög þessi fær tilkynningu um það. Lyfjaeftirliti heimalands íþróttamannsins, sérsambandi hans, alþjóðasérsambandi og Alþjóðalyfjaeftirlitinu skal kynnt niðurstaðan að lokinni tilkynningu eftir frumrannsókn (grein 7.3.4).
 

7.6 Skýrslugjöf og bráðabirgðabann.

7.6.1 Þegar íþróttamaðurinn hefur fengið tilkynningu eftir frumrannsókn eins og lýst er í grein 7.3.4, má Lyfjaeftirlitsnefnd ÍSÍ og/eða viðeigandi alþjóðasérsamband beita íþróttamanninn bráðabirgðabanni.

7.6.2 Þar sem íþróttamaður sætir bráðabirgðabanni, á hann rétt á:
a) að gefa skýrslu fyrir Dómstóli ÍSÍ áður en bráðabirgðabanni er beitt;

b) að gefa skýrslu fyrir Dómstóli ÍSÍ eins fljótt og auðið er (innan 10 daga) eftir beitingu bráðabirgðabannsins. Framlengingu má veita með skriflegri tilkynningu; eða

c) flýtimeðferð fyrir Dómstóli ÍSÍ eins fljótt og auðið er eftir beitingu bráðabirgðabannsins.

7.6.3 Skýrslugjöf vegna bráðabirgðabanns eða flýtimeðferð skal ætíð vera í samræmi við greinar 7.5 og 8 í Alþjóðalyfjareglunum. Sérstakar reglur um skýrslugjöf geta einnig gilt.

7.6.4 Þar sem bráðabirgðabanni hefur verið beitt í tengslum við grunsamlegar niðurstöður greiningar á A-sýni og íþróttamaðurinn hefur krafist þess að B-sýnið verði greint og greining á B-sýninu staðfestir ekki greininguna á A-sýninu, skal bráðabirgðabannið ógilt tafarlaust.

7.6.5 Þar sem bráðabirgðabanni hefur verið beitt í tengslum við skýrslu lyfjaeftirlitsmanns og/eða tengdra gagna sem sýna mögulegt brot á lögum þessum og Lyfjaeftirlitsnefnd ÍSÍ úrskurðar, eftir mat á útskýringum íþróttamannsins, að lögin hafi ekki verið brotin, skal bráðabirgðabannið ógilt tafarlaust.

7.6.6 Þar sem íþróttamanni eða liði íþróttamanns hefur verið vísað úr keppni eða móti í kjölfar bráðabirgðabanns, sem er svo ógilt í samræmi við grein 7.6.4 eða 7.6.5, og enn er mögulegt fyrir íþróttamanninn eða liðið að hefja aftur þátttöku án þess að það hafi áhrif á keppnina eða mótið, skal íþróttamanninum eða liðinu það heimilt.

7.6.7 Ef Lyfjaeftirlitsnefnd ÍSÍ tilkynnir að engin grein laganna hafi verið brotin, skal nefndin tafarlaust upplýsa alþjóðasérsamband íþróttamannsins, sérsamband hans, lyfjaeftirlit landsins og Alþjóðalyfjaeftirlitið um það.
 

7.7 Staðfesting á lyfjamisnotkun.

7.7.1 Þar sem niðurstöður greiningar eru grunsamlegar og:

a) Prófið hefur ekki verið lýst ógilt vegna fráviks samkvæmt grein 7.3.1;

b) Tilvist bannaða efnisins er ekki samkvæmt veittri undanþágu samkvæmt grein 4;

c) Íþróttamaðurinn hefur ekki krafist þess að B-sýnið verði greint eða B-sýnið hefur verið greint og staðfestir grunsamlegar niðurstöður greiningar á A-sýninu samkvæmt grein 7.3.5;

d) Allar síðari rannsóknir sem leiða til þeirrar niðurstöðu að um mögulegt brot á lögum þessum hafi verið að ræða samkvæmt grein 7.3.2; og

e) Íþróttamaðurinn hefur ekki veitt neinar upplýsingar eða gögn um gildi prófsins sem krefst frekari rannsóknar, þá skal lyfjaeftirlit ÍSÍ staðhæfa að lögin hafi verið brotin.

7.7.2 Telji Lyfjaeftirlitsnefnd ÍSÍ að lyfjamisnotkun hafi átt sér stað, skal nefndin tilkynna viðkomandi það skriflega, sem og lyfjaeftirliti lands viðkomandi, alþjóðasérsambandi, sérsambandi og Alþjóðalyfjaeftirlitinu.

7.7.3 Telji Lyfjaráð ÍSÍ að lyfjamisnotkun hafi átt sér stað, skal ráðið tilkynna það Dómstóli ÍSÍ svo skýrslugjöf geti farið fram samkvæmt grein 8 og öðrum gildandi reglum. Lyfjaráð ÍSÍ skal leggja fyrir Dómstól ÍSÍ öll fyrirliggjandi gögn tengd þessari meintu lyfjamisnotkun.

7.7.4 Viðkomandi aðili á einnig rétt á að fá eintök af öllum fyrirliggjandi gögnum tengdum meintri lyfjamisnotkun og Lyfjaráð ÍSÍ skal afhenda viðkomandi þau eða fulltrúa hans/hennar samkvæmt beiðni.

Grein 8 Málsmeðferð

8.1 Mál vegna brota á lögum þessum heyra undir Dómstól ÍSÍ sem starfar samkvæmt Lögum ÍSÍ. Dómstóllinn hefur vald til að úrskurða um viðurlög við brotum á lögum þessum í samræmi við ákvæði þeirra.

8.2 Þegar meðferð niðurstaðna eins og lýst er í grein 7, bendir til brots á lögum þessum, skal Lyfjaráð ÍSÍ höfða mál fyrir Dómstóli ÍSÍ sem úrskurðar hvort lögin hafi verið brotin og hvaða viðurlögum skuli beitt.

Brot á lögum þessum í einstaklingskeppni leiða sjálfkrafa til ógildingar á árangri einstaklingsins í viðkomandi keppni með öllum tilheyrandi afleiðingum, þar á meðal missir verðlaunapeninga, stiga og verðlaunafjár.

10.1 Ógilding árangurs í móti þar sem brot á lögum þessum á sér stað.

10.1.1 Brot á lögum þessum í keppni eða í tengslum við keppni getur, samkvæmt ákvörðun mótsstjórnar, leitt til ógildingar á öllum árangri íþróttamannsins í keppninni með öllum afleiðingum, þar á meðal missir verðlaunapeninga, stiga og verðlauna, nema eins og kveðið er á um í grein 10.1.2.

10.1.2 Ef íþróttamaðurinn sýnir fram á að brotið sé ekki hans sök eða vegna vanrækslu hans, skal árangur hans í öðrum greinum ekki ógiltur nema líklegt teljist að brotið hafi haft áhrif á árangur hans í öðrum greinum en þeirri þar sem brotið átti sér stað.

10.2 Óhlutgengi vegna tilvistar, notkunar eða tilraunar til notkunar eða eignarhalds á bönnuðum efnum og aðferðum.

Lengd óhlutgengis fyrir brot á grein 2.1 (Tilvist bannaðs efnis eða niðurbrotsefnis þess eða annarra lífvísa sem finnast í líkamssýnum), grein 2.2 (Notkun eða tilraun til notkunar á bönnuðu efni eða aðferð) eða grein 2.6 (Eignarhald á bönnuðum efnum og aðferðum) skal vera sem hér segir, nema skilyrði fyrir brottrekstri eða styttingu óhlutgengis, eins og lýst er í greinum 10.4 og 10.5, eða skilyrði fyrir lengingu óhlutgengis, eins og lýst er í grein 10.6, séu fyrir hendi:

Skilgreiningar fyrir töflu yfir viðurlög við öðru broti.

RS (Stytt refsing fyrir sérstaklega tilgreint samkvæmt grein 10.4)

Brotið á lögunum var eða ætti að varða styttri refsingu samkvæmt grein 10.4 því það fól í sér sérstaklega tilgreint og önnur skilyrði greinar 10.4 voru uppfyllt.

FFMT (Ekki tilkynnt um dvalarstað og/eða ekki mætt í lyfjapróf): Brotið á lögunum var eða ætti að varða refsingu samkvæmt grein 10.3.3 (Ekki tilkynnt um dvalarstað og ekki mætt í lyfjapróf)

NSF (Stytt refsing fyrir enga umtalsverða sök eða vanrækslu): Brotið á lögunum var eða ætti að varða styttri refsingu samkvæmt grein 10.5.2 því að engin umtalsverð sök eða vanræksla samkvæmt grein 10.5.2 var sönnuð af íþróttamanninum.

St (Venjulegar refsingar samkvæmt greinum 10.2 or 10.3.1):

Brotið á lögunum var eða ætti að varða refsingu samkvæmt venjulegum refsingum sem nemur tveimur (2) árum samkvæmt greinum 10.2 eða 10.3.1.

AS (Aukin refsing): Brotið á lögunum var eða ætti að varða aukinni refsingu samkvæmt grein 10.6 því lyfjaeftirlitið sýndi fram á skilyrði greinar 10.6.

TRA (Viðskipti eða tilraun til viðskipta og gjöf eða tilraun til gjafar): Brotið á lögunum var eða ætti að varða grein 10.3.2

10.7.2 Beiting greina 10.5.3 og 10.5.4 við öðru broti.

Þar sem íþróttamaður eða annar einstaklingur sem er staðinn að lyfjamisnotkun öðru sinni sýnir fram á rétt til frestunar eða styttingar á hluta óhlutgengis samkvæmt grein 10.5.3 eða 10.5.4, skal Dómstóll ÍSÍ fyrst ákveða almennt gildandi óhlutgengi innan þeirra marka sem taflan sýnir í grein 10.7.1 og síðan beita viðeigandi frestun eða styttingu á lengd óhlutgengis. Sá tími sem eftir er af óhlutgenginu, eftir að það hefur verið stytt eða því frestað samkvæmt greinum 10.5.3 og 10.5.4, verður að vera minnst fjórðungur af annars gildandi lengd óhlutgengis.

10.7.3 Þriðja brot.

Þriðja brot á lögunum varðar alltaf lífstíðaróhlutgengi, nema ef þriðja brotið uppfyllir skilyrði fyrir undanþágu eða styttingu á óhlutgengi samkvæmt grein 10.4 eða felur í sér brot á grein 2.4 (Ekki tilkynnt um dvalarstað og ekki mætt í lyfjapróf). Í þessum tilfellum skal óhlutgengi vera frá átta (8) árum til lífstíðar.

10.7.4 Viðbótarreglur vegna mögulegra ítrekaðra brota.

Vegna beitingu refsinga samkvæmt grein 10.7 telst lyfjamisnotkun einungis annað brot ef lyfjaeftirlit ÍSÍ getur sýnt fram á að íþróttamaðurinn eða annar einstaklingur framdi seinna brotið eftir að íþróttamaðurinn eða einstaklingurinn hafi fengið tilkynningu, í samræmi við grein 7 (Meðferð niðurstaðna), eða eftir að lyfjaeftirlit ÍSÍ gerði sanngjarna tilraun til að tilkynna um fyrsta brotið; ef lyfjaeftirlit ÍSÍ getur ekki staðfest þetta, skulu brotin bæði teljast sem eitt fyrsta brot og refsingin skal byggjast á alvarlegra brotinu, en hins vegar geta mörg brot haft áhrif þegar metnar eru aðstæður sem auka á saknæmi (grein 10.6).

Ef lyfjaeftirlit ÍSÍ uppgötvar eftir niðurstöðu í fyrsta brotinu, staðreyndir sem fela í sér lyfjamisnotkun af hálfu íþróttamannsins eða annars einstaklings sem átti sér stað fyrir tilkynningu um fyrsta brotið, þá má lyfjaeftirlit ÍSÍ leggja á viðbótarrefsingu byggða á þeirri refsingu sem hefði verið lögð á ef brotin hefðu bæði verið dæmd á sama tíma. Úrslit í öllum keppnum aftur til fyrri lyfjamisnotkunar verða dæmd ógild eins og kveðið er á um í grein 10.8. Til að forðast þann möguleika að finna aðstæður sem auka á saknæmi (grein 10.6) vegna fyrra brots sem uppgötvast síðar, verður íþróttamaðurinn eða annar einstaklingur að viðurkenna af sjálfsdáðum fyrra brotið í tæka tíð eftir tilkynningu um brotið sem hann var upphaflega kærður fyrir. Sama regla gildir einnig þegar lyfjaeftirlit ÍSÍ uppgötvar staðreyndir sem varða aðra fyrri lyfjamisnotkun eftir að niðurstaða er fengin í seinni lyfjamisnotkun.

10.7.5 Mörg brot á lögunum á átta ára tímabili.

Vegna greinar 10.7 verður hvert brot á lögunum að eiga sér stað á sama átta ára tímabilinu til að teljast ítrekuð lyfjamisnotkun.

10.8 Ógilding árangurs í keppnum eftir sýnisveitingu eða staðfesta lyfjamisnotkun.

Til viðbótar við sjálfkrafa ógildingu í keppnum sem gáfu grunsamlega niðurstöðu samkvæmt grein 9 (sjálfkrafa ógilding árangurs einstaklings), skal allur annar árangur frá þeim degi sem grunsamleg niðurstaða var veitt (hvort sem það var í keppni eða utan keppni), eða önnur lyfjamisnotkun átti sér stað eftir byrjun tímabundins brottreksturs eða óhlutgengis teljast ógildur, nema sanngirni krefjist annars, með öllum tilheyrandi afleiðingum svo sem sviptingu verðlaunapeninga, stiga og verðlaunafjár.

10.8.1 Sem skilyrði fyrir að fá keppnisrétt eftir að hafa brotið gegn lögunum, verður íþróttamaðurinn fyrst að endurgreiða allt verðlaunafé sem hann hefur fyrirgert samkvæmt þessari grein.

Ef reglur alþjóðasérsambands kveða ekki á um að fyrirgert verðlaunafé skuli veitt öðrum íþróttamönnum, skal því fyrst varið til að greiða sýnakostnað Lyfjaeftirlitsnefndar ÍSÍ sem gerði nauðsynlegar ráðstafanir til að endurheimta verðlaunaféð, síðan til að standa straum af kostnaði lyfjaeftirlits ÍSÍ sem hafði umsjón með niðurstöðunum og afgangurinn, ef einhver er, skal útdeildur í samræmi við reglur alþjóðasérsambandsins.

10.9 Upphaf óhlutgengi.

10.9.1 Að frátöldum ákvæðum hér fyrir neðan, skal óhlutgengi miðast við daginn sem úrskurður liggur fyrir eða ef skýrslutöku er hafnað, er miðað við daginn sem óhlutgengið er samþykkt eða lagt á með öðrum hætti.

10.9.2. Allur tími bráðabirgðabrottreksturs (hvort sem hann er lagður á eða á hann fallist) skal dreginn frá heildarlengd álagðs óhlutgengis.

10.9.3 Tafir sem eru ekki íþróttamanninum eða öðrum einstaklingi að kenna.

Hafi orðið umtalsverðar tafir á skýrslugjafarferlinu eða öðrum þáttum lyfjaeftirlitsins sem eru ekki sök íþróttamannsins eða annars einstaklings, má sá aðili sem leggur á refsinguna láta óhlutgengið hefjast fyrr, jafnvel miða við dag sýnisveitingar eða daginn sem annað brot á lögunum átti sér stað.

10.9.4 Tafarlaus játning.

Þar sem íþróttamaðurinn eða annar einstaklingur tafarlaust (sem í öllum tilvikum hjá íþróttamanni þýðir áður en íþróttamaðurinn keppir aftur) viðurkennir brot á lögunum eftir fullyrðingu lyfjaeftirlits ÍSÍ um slíkt, má óhlutgengi miðast við dag sýnisveitingar eða þann dag sem annað brot á lögunum á sér stað. Í hverju tilfelli þar sem þessari grein er beitt, skal íþróttamaðurinn eða annar einstaklingur taka út minnst helming óhlutgengisins frá þeim degi sem íþróttamaðurinn eða annar einstaklingur féllst á álagða refsingu, deginum sem úrskurður dómstóls um refsingu lá fyrir eða deginum sem refsingin var að öðru leyti lögð á.

10.9.5 Ef bráðabirgðabann er dæmt og íþróttamaðurinn unir þeim úrskurði, skal draga þennan tíma frá því óhlutgengi sem kann að lokum að verða úrskurðað.

10.9.6 Ef íþróttamaðurinn sættir sig við skriflegt bráðabirgðabann frá Lyfjaráði ÍSÍ og hættir síðan keppni, skal þetta tímabili metið til frádráttar frá því óhlutgengi sem kann síðar að verða dæmt. Eintak af sjálfviljugri viðurkenningu íþróttamannsins á bráðabirgðabanninu skal tafarlaust veitt hverjum þeim aðila sem hefur rétt á að fá tilkynningu um hugsanlegt brot á lögunum samkvæmt grein 14.1 í Alþjóðalyfjareglunum.

10.9.7 Ekki skal draga frá óhlutgengi tímabil áður en bráðabirgðabann tekur gildi eða bráðabirgðabann af sjálfsdáðum, án tillits til þess hvort íþróttamaðurinn kaus að keppa ekki eða var vísað úr liði sínu.
 

10.10 Staða í óhlutgengi.

10.10.1 Bann við þátttöku á óhlutgengistíma.

Enginn sem hefur verið dæmdur í óhlutgengi má á þeim tíma taka þátt að neinu leyti í keppni eða starfsemi (annarri en heimilaðri fræðslu um lyfjamisnotkun eða meðferðarstarfi) heimilaðri af eða á vegum ÍSÍ eða aðildarfélagi ÍSÍ, félagi eða aðildarsambandi ÍSÍ, eða í keppnum á vegum atvinnudeildar eða einhvers alþjóðasérsambands eða sérsambands.

10.10.2 Íþróttamaður eða annar einstaklingur sem sætir óhlutgengi lengur en í fjögur ár má eftir þann tíma taka þátt í staðbundnum mótum í öðrum íþróttum en þeirri sem hann framdi brotið í, en þá og því aðeins að hið staðbundna mót sé ekki á því stigi að viðkomandi geti áunnið sér keppnisrétt, beint eða óbeint (eða unnið til stiga þar að lútandi) í landsmeistaramóti eða alþjóðlegri keppni.

Íþróttamaður eða annar einstaklingur sem er óhlutgengur skal sæta lyfjaeftirliti.

10.10.3 Brot á þátttökubanni á óhlutgengistíma.

Þar sem íþróttamaður eða annar einstaklingur sem dæmdur hefur verið í óhlutgengi, brýtur þátttökubann á óhlutgengistímanum sem lýst er í grein 10.10.1, skal árangur af slíkri þátttöku ógildur og tímabil óhlutgengisins sem upphaflega var lagt á, hefjast að nýju frá og með dagsetningu brotsins. Nýtt tímabil óhlutgengis má stytta samkvæmt grein 10.5.2 ef íþróttamaðurinn eða annar einstaklingur sýnir fram á að hann beri enga umtalsverða sök eða vanrækslu fyrir brot á þátttökubanninu. Lyfjaeftirlitið, sem sá um niðurstöður lyfjaprófsins sem leiddu til upphaflega óhlutgengisins, úrskurðar hvort íþróttamaðurinn eða annar einstaklingur hefur brotið þátttökubannið og hvort stytting samkvæmt grein 10.5.2 á við.

10.10.4 Stöðvun fjárhagslegs stuðnings á óhlutgengistíma.

ÍSÍ, aðildarfélög ÍSÍ og yfirvöld mega halda eftir hluta af eða öllum íþróttatengdum fjárhagslegum stuðningi eða öðrum stuðningi til einstaklings sem hefur brotið lyfjareglur og ekki fengið styttingu fyrir tilgreind efni eins og lýst er í grein 10.4.
 

10.11 Endurinntökupróf.

10.11.1 Sem skilyrði fyrir endurheimt keppnisleyfis, verður íþróttamaðurinn hvenær sem er á tímabili tímabundins brottreksturs eða óhlutgengi að vera tiltækur fyrir próf utan keppni í lögsögu Lyfjaeftirlitsnefndar ÍSÍ og verður, ef þess er krafist, að veita nákvæmar upplýsingar um dvalarstað sinn hverju sinni.

10.11.2 Ef óhlutgengur íþróttamaður hættir í íþróttinni og er afskráður úr prófunarhópi utan keppni og leitar síðar eftir inntöku, er hann ekki tækur til inntöku fyrr en hann hefur tilkynnt Lyfjaeftirlitsnefnd ÍSÍ og viðkomandi sérsambandi það og sætt utankeppniseftirliti í þann tíma sem kveðið er á um í grein 5.5.2 eða þann tíma sem eftir var af óhlutgenginu þegar hann hætti þátttöku. Á meðan á óhlutgengi stendur ber íþróttamanninum að gangast undir lyfjaeftirlit. Lyfjaeftirlitsnefnd ÍSÍ skal ákvarða hversu oft og hvenær viðkomandi er prófaður.

10.11.3 Lyfjaeftirlitsnefnd ÍSÍ er ábyrg fyrir lyfjaprófum samkvæmt grein 10.10. Hins vegar getur hvaða lyfjaeftirlit sem er framkvæmt lyfjaprófin.

10.11.4 Þegar óhlutgengi lýkur og íþróttamaður hefur uppfyllt skilyrði um endurinntökupróf verður íþróttamaðurinn sjálfkrafa gjaldgengur til keppni. Hvorki íþróttamaðurinn né viðkomandi sérsamband þurfa að sækja sérstaklega um keppnisleyfi.

11.1 Lyfjapróf í hópíþróttum.

Ef fleiri en einn meðlimur sama liðs í hópíþrótt hefur fengið tilkynningu um brot á lögunum samkvæmt grein 7 í tengslum við mót, skal viðkomandi sérsamband láta framkvæma frekari próf á liðinu meðan á keppnistímabilinu stendur.

11.2 Afleiðingar fyrir lið.

Ef fleiri en tveir meðlimir liðs í hópíþrótt brjóta lyfjareglur á liðamóti, skal sérsamband refsa liðinu með viðeigandi hætti (þ.e. missir stiga, útilokun frá keppni eða móti, eða aðrar refsingar) ásamt öðrum afleiðingum fyrir einstaka íþróttamenn sem brjóta lögin.

11.3 Sérsamband má úrskurða harðari afleiðingar fyrir lið.

Sérsamband má ákveða að setja reglur fyrir mót sem kveða á um afleiðingar fyrir lið sem eru harðari en lýst er í grein 11.2.

12.1 Fjárhagsstuðningi og/eða öðrum stuðningi frá ÍSÍ til sérsambanda sem fylgja ekki lögum þessum eða hafa ekki tekið þau upp, má halda eftir að hluta til eða öllu leiti.

12.2 Aðild eða viðurkenning sérsambanda af hálfu ÍSÍ má afturkalla eða halda eftir þar til lyfjareglur viðkomandi sérsambands eru í samræmi við lög þessi og Alþjóðalyfjareglurnar.

12.3 Ákvörðunum ÍSÍ samkvæmt grein 12 (Viðurlög gagnvart sérsamböndum) má áfrýja eins og kveðið er á um í grein 13.6 (Áfrýjanir ákvarðana samkvæmt grein 12).

13.1 Ákvarðanir sem má áfrýja.

Ákvörðunum sem byggðar eru á lögum þessum má áfrýja eins og lýst er í grein 13 eða eins og annars er kveðið á um í Alþjóðalyfjareglunum. Slíkar ákvarðanir eru áfram í gildi meðan á áfrýjun stendur nema áfrýjunardómstóllinn ákveði annað.

13.1.1 Ef Alþjóðalyfjaeftirlitið hefur rétt til að áfrýja samkvæmt grein 13 og enginn annar aðili hefur áfrýjað lokaúrskurði í ferli lyfjaeftirlits, má Alþjóðalyfjaeftirlitið áfrýja slíkum úrskurði beint til CAS án þess að fullreyna önnur úrræði í ferli lyfjaeftirlits ÍSÍ.

13.2 Áfrýjanir úrskurða varðandi brot á lögum þessum, afleiðingar og tímabundinn brottrekstur.

· Ákvörðun um brot á lögum þessum

· ákvörðun sem leiðir til afleiðinga vegna brots á lögunum

· ákvörðun um að Lög ÍSÍ um lyfjamál hafi ekki verið brotin;

· ákvörðun um að meðferð brots á lyfjareglum geti ekki haldið áfram af verklagsregluástæðum;

· ákvörðun samkvæmt grein 10.10.2 (Brot á þátttökubanni í óhlutgengi)

· ákvörðun um að lyfjaeftirlit hafi ekki lögsögu til að úrskurða um meint brot á lyfjareglum

· ákvörðun lyfjaeftirlits að leggja ekki fram niðurstöður um lyfjamisnotkun

· ákvörðun lyfjaeftirlits að leggja ekki fram grunsamlegar niðurstöður sem brot á lyfjareglum

· eða ákvörðun að halda ekki áfram með brot á lyfjareglum eftir rannsókn samkvæmt grein 7.4

· og ákvörðun að dæma bráðabirgðabrottrekstur eftir bráðabirgðaskýrslutöku eða brot á grein 7.5,

má áfrýja einhliða eins og lýst er í þessari grein 13.2.

13.2.1 Áfrýjanir sem varða íþróttamenn á alþjóðlegu stigi.

Í málum vegna þátttöku á alþjóðlegu móti eða í málum sem varða íþróttamenn á alþjóðlegu stigi, má áfrýja ákvörðuninni einhliða til gerðardóms íþrótta („CAS") í samræmi við gildandi ákvæði um slíkan dómstól.

13.2.2 Í málum sem varða íþróttamenn á landsstigi, eins og það er skilgreint af lyfjaeftirliti ÍSÍ, sem hafa ekki rétt til áfrýjunar samkvæmt grein 13.2.1, má áfrýja viðkomandi ákvörðun til áfrýjunardómstóls ÍSÍ.

13.2.3 Aðilar með áfrýjunarrétt.

Í málum sem heyra undir grein 13.2.1, hafa eftirtaldir aðilar rétt á að áfrýja til CAS:

a) Íþróttamaðurinn eða annar einstaklingur sem er efni hins áfrýjaða úrskurðar;
b) hinn aðilinn í málinu sem ákvörðunin nær til;
c) viðkomandi alþjóðasérsamband;
d) Alþjóðaólympíunefndin eða Alþjóða-Ólympíuhreyfing fatlaðra, eftir því hvað á við, þar sem úrskurðurinn kann að hafa áhrif á Ólympíuleikana eða Ólympíumót fatlaðra, þar á meðal úrskurðir sem hafa áhrif á keppnisrétt á Ólympíuleikum eða Ólympíumóti fatlaðra, og
e) Alþjóðalyfjaeftirlitið.

Í málum sem heyra undir grein 13.2.2 skulu aðilar með áfrýjunarrétt til áfrýjunardómstóls ÍSÍ vera eins og kveðið er á um í lögum þessum en að lágmarki vera eftirtaldir:

(1) Íþróttamaðurinn eða annar aðili sem sætir ákvörðuninni sem er áfrýjað:
(2) hinn aðilinn í málinu sem ákvörðunin nær til;
(3) viðkomandi alþjóðasérsamband;
(4) Framkvæmdastjórn ÍSÍ
(5) Lyfjaráð ÍSÍ
(6) Alþjóðalyfjaeftirlitið.

Hvað varðar mál samkvæmt grein 13.2.2 hefur Alþjóðalyfjaeftirlitið og alþjóðasérsambandið einnig rétt til að áfrýja til CAS úrskurði/dómi áfrýjunardómstóls ÍSÍ. Þrátt fyrir önnur ákvæði þessara reglna, er íþróttamaðurinn eða annar einstaklingur sá eini sem má áfrýja bráðabirgðabrottrekstri, sem hann eða hún sætir.

Frestur til áfrýjunar eða íhlutunar af hálfu Alþjóðalyfjaeftirlitsins skal vera sá seinni af þessum tveimur:
(a) Tuttugu og einum- (21) degi eftir síðasta mögulega áfrýjunardag einhvers annars málsaðila, eða
(b) Tuttugu og einum- (21) degi eftir móttöku Alþjóðalyfjaeftirlitsins á öllum gögnum varðandi úrskurðinn.

13.3 Ef Dómstóll ÍSÍ úrskurðar ekki í tæka tíð.

Ef Dómstóll ÍSÍ kemst ekki að niðurstöðu um meint brot á lögunum innan skynsamlegra tímamarka sem Alþjóðalyfjaeftirlitið setur, getur Alþjóðalyfjaeftirlitið áfrýjað beint til CAS eins og Dómstóll ÍSÍ hefði úrskurðað að lögin hefðu ekki verið brotin. Ef íþróttadómstóllinn (CAS) úrskurðar að um brot á lögunum hafi verið að ræða og að Alþjóðalyfjaeftirlitið hafi gert rétt í því að áfrýja beint til CAS, þá skal ÍSÍ endurgreiða Alþjóðalyfjaeftirlitinu útgjöld og lögfræðikostnað við áfrýjunina.

13.4 Áfrýjunardómstóll ÍSÍ.

13.4.1. Áfrýjunardómstóll ÍSÍ starfar samkvæmt Lögum ÍSÍ.

13.5 Áfrýjun ákvarðana sem veita eða hafna undanþágu vegna lækninga.

13.5.1 Ákvörðunum Undanþágunefndar Lyfjaráðs ÍSÍ um samþykki eða höfnun á undanþágu vegna lækninga, má áfrýja beint til CAS af íþróttamanni á alþjóðastigi eða til áfrýjunardómstóls ÍSÍ, ef íþróttamaðurinn er ekki á alþjóðastigi. Ef áfrýjunardómstóll snýr við ákvörðun um að hafna undanþágu vegna lækninga má áfrýja þeirri ákvörðun til CAS af hálfu Alþjóðalyfjaeftirlitsins. Í áfrýjunardómstólnum sem fjallar um áfrýjun samkvæmt þessari grein, mega ekki sitja meðlimir Undanþágunefndarinnar.

13.5.2. Ákvörðun Alþjóðalyfjaeftirlitsins sem snýr að veitingu eða höfnun á undanþágum, sem lúta reglum CAS, getur íþróttamaðurinn eða Lyfjaráð ÍSÍ áfrýjað beint til CAS.

13.5.3 Þegar Undanþágunefnd Lyfjaráðs ÍSÍ svarar ekki rétt framlagðri beiðni um undanþágu vegna lækninga innan hæfilegs tíma, má telja þessa vanrækslu á svari sem höfnun vegna áfrýjunarréttinda þessarar greinar.

13.6 Áfrýjanir ákvarðana samkvæmt grein 12.

Ákvörðunum Framkvæmdastjórnar ÍSÍ samkvæmt grein 12 (Viðurlög gagnvart sérsamböndum) má áfrýja beint til CAS af viðkomandi sérsambandi.

14.1 Tilkynningar um undanþágur.

Lyfjaráði ÍSÍ ber að tilkynna tafarlaust sérhverja veitta undanþágu íþróttamanna í skráðum lyfjaprófunarhópi, til viðkomandi alþjóðasérsambands, sérsambands og Alþjóðalyfjaeftirlitsins.

14.2 Tilkynningar um lyfjapróf.

Lyfjaeftirlitsnefnd ÍSÍ ber að miðla upplýsingum um dvalarstað íþróttamanna til Alþjóðalyfjaeftirlitsins. Alþjóðalyfjaeftirlitinu ber að gera upplýsingarnar aðgengilegar fyrir önnur lyfjaeftirlit sem vald hafa til að prófa íþróttamanninn.

14.2.1 Lyfjaeftirlitsnefnd ÍSÍ ber að tilkynna um öll lyfjapróf í keppni og utan keppni á sínum vegum eins fljótt og auðið er að þeim loknum til Alþjóðalyfjaeftirlitsins.

14.2.2 Þessar upplýsingar skal ávallt meðhöndla með fullum trúnaði. Má einungis nýta þær til skipulagningar, samhæfingar eða til framkvæmdar lyfjaprófs og þeim eytt þegar þeirra er ekki lengur þörf.

14.3 Tilkynning niðurstaðna rannsókna.

14.3.1 Þegar búið er að tilkynna sérsambandi um niðurstöðu úr lyfjaeftirliti íþróttamanns úr þeirra röðum sem bendir til brota á lögum þessum skal Lyfjaeftirlitsnefnd ÍSÍ, tilkynna eftirfarandi til viðkomandi alþjóðasérsambands og Alþjóðalyfjaeftirlitsins ekki seinna en við lok þess ferlis sem lýst er í grein 7.3.1 (Frumrannsókn): nafn íþróttamanns, land, íþrótt og keppnisgrein, hvort prófað var í eða utan keppni, dagsetningu sýnatöku og skýrslu rannsóknarstofu um niðurstöðu greiningarinnar. Jafnframt ber að tilkynna fyrrnefndum aðilum um ákvarðanir og niðurstöður, þar á meðal niðurstöður rannsókna, skýrslugjafa og áfrýjana.

14.3.2 Óski íþróttamaður eftir að B-sýni verði greint ber Lyfjaeftirlitsnefnd ÍSÍ að tilkynna viðkomandi sérsambandi og Alþjóðalyfjaeftirlitinu um niðurstöðu þeirrar greiningar.

14.3.3 Í þeim tilfellum þar sem óhlutgengi er afnumin á grundvelli greinar 10.5.1 (Engin sök eða vanræksla) eða stytt samkvæmt grein 10.5.2 (Engin alvarleg sök eða vanræksla) skal Lyfjaeftirlitnefnd ÍSÍ veita viðkomandi alþjóðasérsambandi og Alþjóðalyfjaeftirlitinu eintak af skriflegum rökstuddum úrskurði.

14.4 Tilkynningar samkvæmt lögum þessum.

ÍSÍ ber að birta árlega almenna greinargerð með tölulegum upplýsingum um lyfjaeftirlit á þeirra vegum. Afrit af skýrslunni ber að senda Alþjóðalyfjaeftirlitinu.

Lyfjaeftirlit ÍSÍ, lyfjaeftirlit heimalands íþróttamannsins, sérsamband, dómstólar ÍSÍ eða aðrir aðilar mega ekki birta eða upplýsa um nöfn íþróttamanna þar sem sýni hafa leitt í ljós grunsamlegar niðurstöður, eða einstaklinga, sem talið er að hafi brotið lög þessi áður en rannsókn eins og lýst er í greinum 7.3 og 7.4 er lokið. Eigi síðar en tuttugu (20) dögum eftir að niðurstaða Dómstóls ÍSÍ liggur fyrir um að Lög ÍSÍ um lyfjamál hafi verið brotin eða játning liggur fyrir skal Lyfjaráð ÍSÍ upplýsa opinberlega um stöðu málsins. Fram verður að koma nafn viðkomandi og rökstuðningur dómstólsins.

Ekki má grípa til aðgerða gegn íþróttamanni eða öðrum einstaklingi fyrir brot á lögum þessum eftir að átta ár eru liðin frá brotinu.

Grein 17 Breytingar og túlkun

17.1 Breytingar.

17.1.1 Lyfjaráð ÍSÍ ber ábyrgð á þróun og breytingum á lögum þessum, þar á meðal að framfylgja öllum breytingum á Alþjóðalyfjareglunum.

17.1.2 Verði breytingar á Alþjóðalyfjareglunum skal Framkvæmdastjórn ÍSÍ gera breytingar á lögum þessum til samræmis við þær breytingar. Einnig skal Framkvæmdastjórn ÍSÍ gera aðrar nauðsynlegar breytingar á lögunum til samræmis við kröfur Alþjóðalyfjaeftirlitsins.

17.1.3 Framkvæmdastjórn ÍSÍ skal tilkynna sérsamböndum ÍSÍ tafarlaust um allar breytingar sem gerðar eru á lögum þessum.

17.1.4 Lagabreytingarnar taka gildi samkvæmt ákvörðun Framkvæmdastjórnar ÍSÍ hverju sinni en skulu bornar undir næsta Íþróttaþing ÍSÍ til staðfestingar.

17.2 Túlkun.

17.2.1 Fyrirsagnir í þessum lögum eru aðeins til þæginda og teljast ekki hluti af lögunum eða hafa nein áhrif á efni þeirra ákvæða sem þær vísa til.

17.2.2 Viðauki I Skilgreiningar telst hluti af þessum lögum.

17.2.3 Ef vafi leikur á túlkun lagaákvæðanna eða skilgreiningu hugtaka sem þar er fjallað um, eða ef ósamræmi er milli lagaákvæðanna og Alþjóðalyfjareglnanna, skal texti Alþjóðalyfjareglnanna ráða.

18.1 Upplýsingar.

Allir aðilar sem leggja fram upplýsingar, gögn eða læknisfræðilegar upplýsingar til stofnunar eða aðila í samræmi við þessi lög, teljast hafa samþykkt að slíkar upplýsingar megi nota af viðkomandi stofnun eða aðila við framkvæmd þessara laga.

18.2 Tilkynningar.

18.2.1 Allar tilkynningar sem vísað er til í lögunum falla undir gildissvið ákvæða greinar 18.2.

18.2.2 Allir íþróttamenn í skráðum lyfjaprófunarhópi ÍSÍ skulu upplýsa Lyfjaeftirlitsnefnd ÍSÍ um aðsetur sem senda má tilkynningar til og ef breyting verður á aðsetri er það á ábyrgð íþróttamannsins að upplýsa Lyfjaeftirlitsnefnd ÍSÍ um það.

18.2.3 Tilkynningu til íþróttamanns í skráðum lyfjaprófunarhópi ÍSÍ skal koma með ábyrgðarbréfi til skráðs dvalarstaðar íþróttamannsins. Slík tilkynning telst móttekin fimm virkum dögum eftir póstlagningu.

18.2.4 Tilkynningu til annarra íþróttamanna eða aðila skal komið með ábyrgðarpósti til skráðs dvalarstaðar íþróttamannsins eða aðila. Slík tilkynning telst móttekin fimm virkum dögum eftir póstlagningu.

18.2.5 Lyfjaeftirlitsnefnd ÍSÍ má að undangengnu samkomulagi við móttakanda nota aðrar leiðir en ábyrgðarpóst fyrir tilkynningar, svo sem símbréf, tölvupóst og síma.

19.1 Gildistaka.

19.1.1 Lög þessi öðlast gildi þegar eftir samþykkt þeirra.

Skilgreiningar

ADAMS: Umsjónarkerfi lyfjaeftirlits er vefgagnagrunnur fyrir gagnafærslur, geymslu, miðlun og skýrslugjöf, hannað til að aðstoða hagsmunaaðila og Alþjóðalyfjaeftirlitið í baráttu gegn lyfjamisnotkun í tengslum við lög um gagnavernd.