| 24.07.2016 | 12:47

Sækja Skagamenn heim í dag

 Meistaraflokkur karla í knattspyrnu hjá ÍBV sækir Skagamenn heim í dag í Pepsi-deild karla. Leikurinn hefst klukkan 17:00 en Skagamenn eru í 6. sæti með 16 stig, tveimur stigum og þremur sætum ofar en ÍBV.
 
Hjá ÍBV eru tveir af betri leikmönnum liðsins í leikbanni en þeir Sindri Snær Magnússon og Pablo Punyed taka báðir út leikbann í dag, eftir spjöld í síðasta leik liðsins. Búist er við því að Mees Junior Siers hefji því leik og að Mikkel Maigaard verði færður aftar á völlinn. 
 
Skagamenn hafa verið á þvílíku skriði í síðustu umferðum en þeir hafa sigrað fjóra leiki í röð gegn fjórum af sterkari liðum deildarinnar, KR, Stjörnunni, Breiðablik og Val.
 
ÍBV hefur ekki safnað mörgum stigum undanfarið en fengu þó stig gegn Íslandsmeisturum FH-inga í síðustu umferð. 
 
Skagamenn og Eyjamenn hafa mæst fimm sinnum á síðustu þremur árum en ÍBV hefur sigrað tvo af þeim leikjum, seinni sigurinn kom fyrr á tímabilinu, í fyrsta leik. Þá sigraði ÍBV með fjögurra marka mun 4-0 í Eyjum.
 
 

Meira

| 23.07.2016 | 17:09

Stelpurnar komnar í úrslit Borgunarbikarsins

Stelpurnar okkar í meistaraflokki kvenna í knattspyrnu sigruðu í dag lið Þórs/KA á Akureyri í undanúrslitum Borgunarbikars kvenna. Stelpurnar töpuðu fyrir norðan fyrir einungis fjórum dögum en náðu að snúa taflinu við í dag.
 
Staðan var 0-0 í hálfleik og ekkert var skorað í síðari hálfleiknum. Í fyrri hálfleik framlengingar hafði ekkert mark litið dagsins ljós en Rebekah Bass kom ÍBV yfir á 112. mínútu leiksins með bylmingsskoti utan teigs eftir sendingu Cloe Lacasse.
 
Stelpurnar voru frískari í framlengingunni og fengu heimakonur ekki færi á lokamínútunum. Stelpurnar fögnuðu vel og innilega í leikslok og mæta því Breiðablik í úrslitum.  

Meira

Stelpurnar skelltu FH í gær

| 14.07.2016 | 07:58

Eldri fréttir