Það hefur gengið mikið á hjá Hermanni Hreiðarssyni og félögum í Portsmouth á þessu tímabili. Í vikunni urðu eigendaskipti hjá félaginu í þriðja sinn á tímabilinu en leikmenn hafa nokkrum sinnum fengið laun sín greidd of seint vegna fjárhagsvandræða félagsins.  Að auki er Portsmouth í slæmri stöðu á botni ensku úrvalsdeildarinnar en Hermann fór yfir málin í viðtali í útvarpsþættinum Fótbolti.net á X-inu 97,7 í gær.